حرام عليكم حسبى الله ونعم الوكيل

يقول تعالى " واذا حكمتم بين الناس ان تحكموا بالعدل"

حرام عليكم فين العدل ده
لما الادارة التعليمية تنزل اعلان عن مسابقة لتعيين معلم مساعد وتطلع اسامينا من اللى هيتم التعاقد معاهم وفقا لتقديراتنا اللى بتتراوح ما بين النسب 79.9%الى النسبه 90% وبعد كده ياخدوا ناس تقديراتها مقبول 59% مش يبقى ظلم ؟؟؟؟؟؟؟
مع ان المحافظ اشر على اسامينا
حرااااااااااااااااام عليكم دا يرضى مين فين المسئولين!!!!!!!!!!!!
لما انتم هتعلقونا فى الامل وتظلمونا كده مش يبقى حرام
بس كل مانروح متقلقوش دا احنا هنخدكم بالتقديرات!!!!!!!!!!!ومتخافوش ان شاء الله مفيش كوسة احنا بقلنا سنة قاعدين مفيش حاجة نعملها غير الندم والحسرة
ولما فرجت قلنا خلاص الحمد لله لكن الكوسة بقى نعمل معاها ايه سعرها قاعد يغلى واحنا قاعدين بنغلى على نار
احنا 18 طالبة خريجى كلية التربية النوعية (معلم حاسب الى ) تم اختيارنا واخد اصول الاوراق والامل ذاد عندنا نروح نسأل يقولونا احنا مش عارفين مصيركم ايه
اغيثوناا ولا لازم نعمل اعتصام ودوشة حرام ارفعوا صوتنا للمسئولين لما التقدير والتعب والمجهود ميبقاش له قيمة يبقى ايه بقى اللى له قيمة

يااااااااااااامن تعرفون العدل احنا زى بناتكم تعبنا واجتهدنا وجبنا تقدير تركنونا على الرف وتاخدوا زوى 59% مش حرام ربنا هيسألكم حسبى الله ونعم الوكيل

رجاء اخير متبقوش تنزلوا مسابقات طالما مش هتخدوا اللى هيطع اسمائهم
وربنا على الظالم وان شاء الله هيجبلنا حقنا

ليس هناك اي ظلم .. مثلما ترى انكم الاحق بالتعيين لان تقديركم اعلى غيركم يرى انه احق بالتعيين لانه سبق له العمل لمدة عام كامل وسافر بلاد ارياف ودفع مواصلات من جيبه وحضراتكم كنتو قاعدين في بيوتكم ده اولا

تانيا هناك منشور من الوزير ينص على ان الاولويه لمن سبق لهم العمل بالحصه لذا اعاد المحافظ النظر في المسابقه وقام بتعيين اللذين سبق لهم العمل من قبل

اما بالنسبه للاعتصمات والدوشه التي تحدثت عنها فاعتقد ان الشروط باتت الان واضحه وهي ان يكون سبق لك العمل بنظام الاجر اذا كنت عملت بنظام الاجر من حقك التعيين اما اذا كانت قاعد في بيتك مستني الوظيفه فلا اعتقد انها سوف تاتي اليك

ده اولا تانيا دي مش مسابقه عشان يبقى فيها تظلمات او شكاوي ده تعيين هناك فرق اخي الكريم بين المسابقه والتعيين

رزقكم الله واذا اردتم ان يتم تعيينكم اشتغلو بالحصه واتعبو زي الناس اللي تعبت

اللي حاطه الموضوع انتي بنفسك قلتي جمله تدل انكم لا تمتلكون اي حق في هذه العقود وهي ( احنا قعدنا سنه كامله مفيش حاجه نعملها غير الحسره )

طيب انتي قعدتي سنه كامله مرتاحه ليه مفكرتيش تشتغلي !!!!!!!!! ولا الشغل هو اللي هيجيلك لحد عندك وعلى فكره في السنوات اللي فاتت كلها ماشيين على نظام الاخذ ممن سبق لهم العمل يعني مش كوسه ولا حاجه زي مانتي بتدعي

وعلى فكره انا جايب جيد جدا بنسبة 78.6 وسبق العمل لي مدة سنه كامله يعني مش من العدل ابدا اني اشتغل واتعب وجايب جيد جدا كمان وفي الاخر ياخدوكم انتو يلي ارتاحتو وقعدتو في بيوتكم

الحمد لله ان الحق ظهر وربنا مابيضيعش حق حد عشان كده حقنا ماضعش